Dy ditë më parë, këngëtarja shumë e dashur për publikun shqiptar Aurela Gaçe festoi ditëlindjen.
Ajo kishte menduar që këtë ditë të veçantë ta festonte vetëm me familjen. Por bashkëshorti i saj Skerdi kishte menduar diçka më të madhe.
Ai i organizoi Aurelës një festë madhështore ku të pranishëm ishin shumë kolegë e familjarë.
Këngëtarja ka publikuar foto e video në profilin e saj në “Instagram”, ku zbulon surprizën e bukur që i ka bërë njeriu i saj i zemrës.
Në fshehtësi të plotë, Skerdi kishte mbledhur gjithë njerëzit e dashur të Aurelës dhe i kishte përgatitur një natë magjike.
Ndërkohë në një video të publikuar nga Aurela në “Instagram” shihet se si Skerdi së bashku me miqtë dhe familjarët janë fshehur dhe në momentin që këngëtarja ka mbërritur në lokal i kanë kënduar asaj këngën.
