Është zbuluar identiteti i shqiptares që qëlloi me armë zjarri një burrë grek, duke e lënë të plagosur rëndë.
Mësohet se autorja e arrestuar për plagosjen është shqiptarja Klodiana Çelo.
Ngjarja raportohet se ka ndodhur mesditën e sotme, në rrugën “Filikis Eterias”, në Chalandri, të Greqisë, në sy të fëmijës së tyre 13 vjeç.
Sipas raportimeve nga mediat greke, i plagosuri ndodhet në spital, në gjendje kritike, dhe është identifikuar si shtetasi Jorgos Neos.
Shqiptarja është artiste që luan në veglën muzikore violonçel, ndërsa greku është mjek okulist.
Raportohet se shqiptarja dhe greku ishin në gjyq për kujdestarinë e fëmijës se tyre 13 vjeç. Çelo është arrestuar pak pas ngjarjes, e cila ndodhi në sy të fëmijës 13 vjeç./Opinion.al
