Kastriot Lesko një qytetar nga Vlora thotë se ka një shqetësim pasi ngjitur me shtëpinë e tij pronari Hodo Koçaj ther dhe ruan frigoriferin e mishit te kabina elektrike.
Denoncuesi: Quhem Kastriot Lesko. 5 metra larg nga dritarja e shtëpisë time në kabinën elektrike theret mish dhe frigoriferi është brenda në kabinën elektrike. Në fillim e kanë marrë gjoja sikur nuk dinin gjë dhe pastaj janë bërë të sëmurë dhe nuk kanë kthyer më përgjigje. Heshtja e tyre do të thotë bashkëpunim. Kjo pjesa këtu është kabina elektrike në pronësi të shtetit.
Gazetarja: Domethënë këtu brenda tek kjo godina është transformatori i të gjithë zonës?
Denoncuesi: Është motori elektrik që prodhon korent funksional. Ja dhe motori i frigoriferit këtu. Brenda kësaj është transformatori i lagjes, është edhe mishi.
Gazetarja: Kush e ka këtë në pronësi?
Denoncuesi: Pronari i thertores është Hodo Koçaj.
Ai tregon se ka vajtur në të gjitha institucionet për t’u ankuar. Përfaqësues nga AKU rajonale Vlorë erdhën, panë dhe ikën, tregon denoncuesi. E njëjta situatë u përsërit edhe me AKU qendrore. Odiseja vazhdoi me AKM, rajonin 5, bashkinë, por askush nuk mori masa.
Denoncuesi: Shkova në institucionet shtetërore. AKU-ja Rajonale e Vlorës. Dega Rajonale e AKU Vlorë dërgoi një inspektor…
Gazetarja: Kjo është përgjigjja që Drejtoria e AKU-së Vlorë i ka kthyer përgjigje qytetarit. Drejtoria inspektuese të DRAKU Vlorë kanë realizuar 2 procedura inspektimi të plota pranë subjektit, objekt denoncimi në adresë të ushtrimit të aktivitetit nga ana e tij. Nga inspektimet e kryera, janë marrë masat administrative përkatëse: Gjobë dhe paralajmërim për shkeljet e konstatuara. Domethënë subjekti në fjalë ka marrë gjobë, por…
Denoncuesi: Vazhdon aktivitetin. Në këto kushte, iu drejtova dhe Tiranës.
Gazetarja: Dhe ja ku vjen dhe kthim-përgjigjja. Në ambientin ku pretendohet se kryhet procesi i therjes së kafshëve, në momentin e kontrollit nuk u konstatua gjurmë therjeje, por…
Denoncuesi: Kasapi vete me mish direkt kur inspektori i Tiranës është prezent atje.
Me kameran e fshehtë të emisionit investigativ “Stop” një qytetar shkon të blejë mish, por tregtari nuk ia tregon se ku e mban kecin.
Qytetari: Si kalove? Ke mish keci?
Pronari Hodo Koçaj: Po!
Qytetari: Sa e ke kilen?
Pronari Hodo Koçaj: 12!
Qytetari: Vetëm këtë pjesën këtu ke?
Pronari Hodo Koçaj: Po, shpatull! Do më shumë? Sa kile do?
Qytetari: Ku e di unë? Ja të shoh…
Pronari Hodo Koçaj: Po do një kec të gjithë, përshembull…
Qytetari: Sa vetë?
Pronari Hodo Koçaj: 6 kilosh, 7 kilosh…
Qytetari: Sa lekë vete?
Pronari Hodo Koçaj: 85!
Qytetari: Ke ndonjë të gjallë aty, apo s’ke?
Pronari Hodo Koçaj: Jo, të gjallë s’kam!
Qytetari: Po kur e ke të therur?
Pronari Hodo Koçaj: Pardje i kam ther kecat.
Qytetari: Ok, ta shohim! Nuk vij dot ta shoh vetë unë ë…?
Gruaja: Jo,se do ta sjelli vetë ai, aq kile sa i the ti.
Qytetari: Po, po!
Pronari Hodo Koçaj: Me vulë e ke, me vulë!
Qytetari: Dhe sa vete ky tani?
Pronari Hodo Koçaj: 73 mijë lekë!
Qytetari: Bëj nja 30 mijë, 35 mijë lekë! Po varja mo burrë, se kush do më shikojë mua..!
Pronari Hodo Koçaj: Jo, jo, se duhen ato! Më jep 1 mijë lekë!
Qytetari: Rrofsh, faleminderit!
Pronari Hodo Koçaj: Mirupafshim!
Qytetari: Ia kalofshi mirë!
Pas qytetarit, me Hodo Koçaj komunikon dhe emisioni investigativ “Stop”.
Gazetarja: Jam Odeta nga emisioni investigativ “Stop”. Më ka ardhur një ankesë dhe kam ardhur për ta verifikuar. Ju tregtoni mish. Më kanë thënë që e magazinoni mishin tek një kabinë elektrike. E vërtetë është kjo?
Pronari Hodo Koçaj: Kabina është këtu.
Gazetarja: Është shtetërore kabina?
Pronari Hodo Koçaj: Po, funksionale, ja ku është këtu.
Gazetarja: Po ti mishin e ke magazinuar aty brenda?
Pronari Hodo Koçaj: Jo, dhomën frigoriferike e kam tek dhoma ime e punës.
Gazetarja: Ta shohim?
Pronari Hodo Koçaj: E kanë parë të tjerët. Të AKU-së, të gjithë e kanë parë.
Gazetarja: Sipas pretendimit, nuk ka reaguar AKU dhe varet si e kanë parë.
Pronari Hodo Koçaj: Unë kam rezultuar shumë në rregull.
Gazetarja: Ku është kabina këtu?
Pronari Hodo Koçaj: Kabina është këtu mbrapa.
Gazetarja: Aty, pra tek kabina më ço.
Pronari Hodo Koçaj: Kabina është mbrapa, çfarë pune kam unë me kabinën?
Gazetarja: Pretendohet që ti brenda kabinës ke frigoriferin e mishit.
Pronari Hodo Koçaj: Më kanë ardhur ato, asnjë gjë të kabinës elektrike…
Gazetarja: Kor nuk kam ardhur unë këtu. Unë nuk punoj as tek AKU, as tek OSHEE shyqyr Zotit, unë punoj tek “Stop”-i.
Ndërkohë që emisioni “Stop” ka tentuar të lidhet me anë të telefonit me inspektorët e AKU-së, pronarët kanë pastruar ambientin që kur të vijnë nuk ka prova.
Gazetarja: E pastrove, mbarove punë?
Pronari Hodo Koçaj: Jo, jo.
Gazetarja: Frigoriferin e hoqe?
Pronari Hodo Koçaj: Jo, është dhoma ajo brenda./ Tv Klan
