Kryesore

Berisha: Të votojmë të lirë, ose PD shkrihet si forcë politike



Bëhu pjesë e Grupit Zyrtar të Opinion.al
>> KËTU <<
               Publikuar në : 21:27 - 11/07/22 |
Opi Nion

Kryetari i PD, Sali Berisha është shprehur i qartë se do të vijojë protestat kundër qeverisë “Rama”.

Gjatë një interviste televizive, Berisha theksoi dhe njëherë deklaratën  tij të bërë në protestën e 7 korrikut,  duke thënë se  Edi Ramën e ka shpallur armik për shkak se ai nuk respekton votën e lirë.

Kryedemokrati tha se ka tre rrugë, ose shqiptarët do votojnë të lirë, ose PD do të shuhet si forcë politike, ose Rama do të largohet.

Ai u shpreh se do të përdoren të gjithë mjetet e mosbindjes civile për të mbrojtur votën e lirë, që siç tha shqiptarëve ia ka marrë Edi Rama.

Pjesë nga biseda

Sali Berisha: Do të përballem me cdo armik që shkel votën e lirë. Edi Rama do ikë dhe do i lejojë shqiptarët të votojnë të lirë. Rikthimi i votës është jetik

SI?

Sali Berisha: Kjo do përcaktohet, por Edi Rama votë shqiptarëve nuk mund ti shkelmojë më. Nuk po them as sfurk as kallash, unë po them këtë: ose ne do votojmë të lirë shqiptarët ose ne si forcë politike do shuhemi, ose Edi Rama do ikë.

Unë them këtë, Edi Rama po preku votën nuk do mund ta prekë më kurrë. Këtë i them, ta dijë mirë. Është një armik i egër i qenies së shqiptarëve.

Si?

Sali Berisha: Ne do dëshironim strategjinë paqësore. Ne do përdorim të gjitha mjetet e mosbindjes civile dhe do tu kthejmë votën e lirë shqiptarëve, nuk është betejë për pushtet Ose shqiptarët do votojnë të lirë, ose ne do shuhemi si forcë politike./ Opinion.al

Pas