Instituti Kombëtar i Shëndetësisë Publike në Kosovë njoftoi të shtunën se 6 persona kanë humbur jetën dhe janë regjistruar 287 raste të reja me COVID-19.
“Rastet e vdekjes janë nga komunat: Deçan 1 rast (72 vjeç), Drenas 1 rast (69 vjeç), Gjakovë 1 rast (68 vjeç), Podujevë 1 rast (86 vjeç), Prizren 1 rast (60 vjeç), Suharekë 1 rast (59 vjeç)”, thuhet në njoftimin e IKSHPK-së.
Rastet e reja me virusin COVID-19 u evidentuan pas ekzaminimit të 2.438 testeve. Raportohet gjithashtu se janë shëruar edhe 229 pacientë, tha IKSHPK-ja. Raste aktive me virus në Kosovë vazhdojnë të jenë 6.283./Opinion.al
