Ministria e Shëndetësisë ka deklaruar sot se aktualisht në vendin tonë janë 263 pacientë aktivë me virus, mes të cilëvë në dy spitalet COVID aktualisht po marrin shërbim vetëm 33 pacientë, dhe vetëm 7 prej tyre janë në terapi intensive.
Ministria sqaron se pjesa më e madhe e të infektuarve po ndiqen nga mjeku i familjes ose janë asimptomatikë.
Sipas Ministrisë, ky është nje tregues që masat e marra kanë bërë të mundur që sistemi shëndetësor të mos mbingarkohet dhe të përballojë me sukses rastet të cilat kanë pasur nevojë për trajtim të specializuar në spitale.
Sakaq, 9 raste të reja me Covid-19 u zbuluan në 24 orët e fundit. Deri në këto momente në Shqipëri raportohen 782 persona të prekur me virusin e ri, ndërkohë që 31 prej tyre kanë humbur jetën./Opinion.al
