Janë hapur pas 7 muajsh kinematë sipas protokolleve për COVID-19. Urdhri i Ministres së Shëndetësisë Ogerta Manastirliu është publikuar në Fletoren Zyrtare.
Ky urdhër përjashton kinematë nga aktivitetet që kufizohen për shkak të pandemisë COVID-19. Nga ana tjetër, teatrot dhe koncertet vazhdojnë të jenë të pezulluara sipas urdhrit të datës 29 maj 2020.
URDHËROJ:
Në urdhrin nr. 351, datë 29.5.2020 “Për marrjen e masave të veçanta dhe kufizimeve për parandalimin e përhapjes së COVID-19”, të ndryshuar, bëhet ndryshimi si më poshtë vijon:
- Në pikën 3, germa “b”, termi “kinematë”, shfuqizohet.
- Aktiviteti i kinemave të ofrohet në përputhje me protokollet e miratuara nga Instituti i Shëndetit Publik për parandalimin e përhapjes së infeksionit COVID-19.
Ky urdhër hyn në fuqi menjëherë dhe botohet në Fletoren Zyrtare.
Ministër i Shëndetësisë dhe Mbrojtjes Sociale, Ogerta Manastirliu
