Bota

COVID-19/ Rritja e rasteve të reja, Parisi rrezikon të izolohet sërish


Bëhu pjesë e Grupit Zyrtar të Opinion.al
>> KËTU <<
               Publikuar në : 18:20 - 02/10/20 |
Opi Nion

Ditët e fundit vendet europian kanë regjistruar një numër të lartë të rasteve të reja me COVID-19.

Një ndër vendet që kanë pasur rritje të numrit të personave të infektuar me koronavirus është edhe Franca. Nisur nga situata e krijuar në këtë shtet, qeveria ka deklaruar se Parisi rrezikon të izolohet.

“Prej ditës së djeshme, Parisi ka kaluar pragun që e vendoste atë në kategorinë e alarmit maksimal,” u shpreh, ministri francez i Shëndetësisë Olivier Véran.

Duke folur nga spitali, Bichat-Claude Bernard, Veran tha se nëse “rritja e rasteve” konfirmohej edhe në ditët në vijim, “ne nuk do të kemi asnjë zgjidhje tjetër veç vendosjes së Parisit dhe periferisë së tij më të afërt, në kategorinë e alarmit maksimal sa më shpejt të hënën.”

Sipas, Ministrisë Franceze të Shëndetësisë, ky nivel alarmi nënkupton mbylljen e restoranteve, bareve dhe të gjitha institucioneve të tilla si kinematë dhe muzetë, përveç rasteve kur ato kanë protokolle të rrepta, dhe mbylljen opsionale të plazheve dhe zonave të liqenit.

Shumë pronarë biznesesh në Paris kanë frikë nga ndikimi afatgjatë i kufizimeve dhe kanë protestuar kundër tyre, por qeveria duket e vendosur.

Teksa rastet ditore në Europë janë në rritje, shtetet po marrin masa dhe po vendosin kufizime që tentojnë të parandalojnë përhapjen e Covid-19.

Pas