Aktualitet

COVID-19/ Rakacolli: Masat shtrënguese sollën rënie të rasteve


Bëhu pjesë e Grupit Zyrtar të Opinion.al
>> KËTU <<
               Publikuar në : 12:43 - 22/12/20 |
Opi Nion

Zv. ministrja e Shëndetësisë Mira Rakacolli ka folur në lidhje me situatën e krijuar nga COVID-19 në Shqipëri.

Në një intervistë për “Abc news”, Rakacolli thotë se jemi ende larg imunitetit të tufës, ndërsa theksoi se masat shtrënguese të vendosura disa javë më parë po japin efektet e para.

 “Jemi akoma larg imunitetit të tufës. Një javë është pak për të thënë që do të vazhdojë kështu por mendohet se është efikasiteti i masave që i morën tre katër javë përpara. Dihet që efekti i masave nuk duket menjëherë”, u shpreh Rakacolli.

Lidhur me testimet, zv. ministrja tha se numri i tyre nuk është ulur, por sipas saj, aktualisht ka më pak raste dhe kjo ka bërë që të ulen dhe të dyshuarit për COVID që kanë nevojë t’i nënshtrohen testit.

 “Kjo tendencë, ka të bëjë jo vetëm me uljen e numrit të rasteve por edhe uljen e shtrimeve në spitale, rënie pozitiviteti. Nuk është shumë e lartë. Rastet janë raste të rënda. Njerëzit shkojnë në spital në gjendje të rënduar edhe pse kemi thënë që shërbimi në spital është shumë e mirë. Numri i testimeve nuk është ulur sepse kemi rritur testimet e shpejta. Ato jepen më vete“, tha Rakacolli./ Opinion.al

Pas