Pas rihapjes dhe lehtësimit të masave kufizuese, Shqipëria ditët e fundit po përballet me shtim të numrit të infektuarve me koronavirus.
Lidhur me këtë fakt, ka reaguar mjeku infeksionist Pëllumb Pipero, i cili shpreh shqetësimin tij për shtimin e rasteve me COVID-19 si dhe për mbylljen e kufijve që mund të vij si rezultat i numrit të lartë të të infektuarve.
Pipero shprehet se në spitalin Covid 1 janë shtruar mbi 20 të sëmurë, më shumë se sa u shtruan në një ditë gjatë fillimit të pandemisë.
Pipero, përmes një postimi në rrjetet sociale, u bën thirrje qytetarëve shqiptarë që të mbajnë maska dhe të ruajnë distancë, pasi virusi ende nuk ka ikur.
Postimi i plotë
Nuk dua t’ju zgjoj,
por zgjohuni me nje mesazh nga une/dhe ne, të pa gjumit!
Eshte trishtuese te degjosh se Shqiperise i mbyllen kufijte, eshte edhe më trishtuese te degjosh se sot,disa muaj mbas fillimit te epidemise, ne spitalin Covid 1, shtrohen mbi 20 te semure, shume më shume se sa u shtruan ne nje dite, ne fillim te kesaj epidemie ne vendin tone.
Dhe pse valle?!
Mos virusi u zhduk! Mos valle pandemia mbaroi! Mos valle virusi nuk qarkullon më mes nesh dhe me ne cdo dite, orë e minute!
Mos vallë shkenca zbuloi nje vaksine?!
Mos valle ne mjeket kemi ne dore nje medikament kunder ketij virusi ende vrases?
JO
Virusi eshte ende midis nesh!
Ne ende nuk kemi nje vaksine!
Ne ende nuk kemi nje ilac ndaj tij!
Po si dhe me cfar mund ta luftojme?!
Vetem me nje arme!
Me distance dhe me Maske!
Ndaj sot, ne fillim te kesaj dite te re, po ju lutem:
Ruani distancen dhe mbani masken!
Ndryshe do na ktheni shume mbrapa ne kohe, edhe pse te hapur brenda nesh, do jemi te mbyllur per Europen!
Ju lutem me degjoni SOT
Neser eshte shume von!
Qeveria nuk ka asgje ne dore!
Gjithcka eshte ne duart tona!
Ju lutem me degjoni mua! Mos degjoni politikanet sot! Degjoni specialistet!
Maska dhe distanca!
Vetem kaq mjafton!
Kaq pak, per te perfituar me shume liri ne pandemi, me shume ekonomi ne pandemi, me shume argetim ne pandemi, dhe aspk izolim me botën qe po hapet cdo dite!
Na i hiqni kufite, duke i vene kufi virusit, thjesht dhe vetem me nje maske dhe distance!/ Opinion.al
