Pandemia COVID-19 vijon të shkaktojë viktima në Maqedoninë e Veriut. Në 24 orët e fundit në këtë shtet kanë humbur jetën 4 persona, ndërsa janë konfirmuar me koronavirus 37 raste të reja.
Në total numri i viktimave në Maqedoninë e Veriut ka shkuar në 652. Po ashtu, në harkun kohor të 24 orëve janë shëruar 131 pacientë.
Maqedonia e Veriut, në total, ka diagnostikuar 15,827 raste me koronavirus, ndërsa numri i rasteve aktive aktualisht është 1,860.
Shkupi, Kumanova, Prilepi dhe Tetova janë qytetet me numrin më të lartë të të infektuarve, viktimave dhe të rasteve aktive./ Opinion.al
