Mjeku infeksionist, Tritan Kalo, përmes një postimi në rrjetet sociale ka theksuar se ekipi i mjekëve në Spitalin Infektiv po vijon me përkushtim e profesionalizëm të përballjen me COVID-19.
Kalo thotë se militantët partiakë si dhe mjekët pak ose aspak profesionistë të fushës, nuk do të munden kurrë të përbaltin heroizmin dhe sakrificën e mjekëve në këto muaj të pandemisë.
Gjithashtu, Kalo iu bën thirrje qytetarëve që të mos e humbasin besimin në punën, përkushtimin dhe profesionalizmin e mjekëve pasi në sfidën e përballjes koronavirusin, vetëm së bashku mund t’ia dalim.
Ky reagim i mjekut, vjen pak ditë pas akuzave të kreut të Partisë Demokratike, Lulzim Basha, se qeveria po fsheh shifrat e viktimave të shkaktuara nga COVID-19.
Postimi i plotë
KOHË KOVIDIANE….21.11.2020….Shërbimi i Sëmundjeve Infektive në Qendrën Spitalore “Nënë Tereza” në Tiranë, është i nderuar dhe i priviligjuar të mbajë emrin e krijuesit të tij, Prof. Nikolla Dushnikut…Prej fillimit viteve 70-të kur u ngrit Spitali i Sëmundjeve Infektive nr 4, e deri më sot në të kanë shërbyer me dhjetra e dhjetra mjekë, të cilët duke ecur në gjurmët e Profesor Dushnikut e kanë ngritur edhe më lart emrin e këtij spitali, duke mjekuar e ndjekur me shumë e shumë kujdes me mijra e mijra të sëmurë dhe duke shpëtuar jetët e mijra prej tyre….I njëjti shpirt i punës në ekip, dhe i njëjti përkushtim e profesionalizëm po përvijohet edhe sot në këtë Shërbim, të shpallur më 2013 si Shërbimi më i mirë Spitalor në Republikë, në përballjen tonë me “flamën mbarëbotërore” të infeksionit nga Sars-Cov2/Covid-19….GOJËT E LIGA dhe MËNDJET e ERRËTA të GJILLOLLOGËVE militantë partiakë si dhe të atyre mjekëve pak ose aspak profesionistë të fushës, NUKU do të munden kurrë të përbaltin heroizmin dhe sakrificën e këtyre muajve të Pandemisë të dhjetra e dhjetra mantelbardhëve, infermjerëve, tekninicienëvë imazheristë, administrator, farmacistë, koordinatorë, barrelistë, shoferë, punonjës të ruajtjes së rendit….MOS e humbisni kurrë besimin në Punën, Përkushtimin dhe Profesionalizmin tonë…..JU DUAM ndaj dhe jemi aty për ju në çdo kohë….Së bashku do ja dalim mbanë edhe në këtë sfidë të përballjes me infeksionin nga Sars-Cov2/Covid-19….Together forever!!!/ Opinion.al
