Ministria e Shëndetësisë në Greqi, ka raportuar se në 24 orët e fundit, janë shënuar 2.126 persona të infektuar me COVID-19.
Nga ana tjetër, për fat të keq, nuk e kanë fituar betejën me virusin 39 qytetarë, duke e çuar këtë numër që prej fillimit të pandemisë në 14.505.
Bëhet me dije gjithashtu se numri i pacientëve të trajtuar me intubim është 342 (62.3% meshkuj). Mosha mesatare e tyre është 65 vjet. Midis pacientëve të intubuar, 313 (91.52%) janë të pavaksinuar ose pjesërisht të vaksinuar dhe 29 (8.48%) janë plotësisht të vaksinuar, shkruajnë mediat.
