Javët e fundit Europa ka regjistruar shifra të larta të personave të infektuar me koronavirus. Nisur nga rritja e rasteve të reja, Franca ndodhet pranë një izolimi të ri për shkak të pandemisë.
Parisi Lioni dhe Lila janë afër pragut të aktivizimit të alarmit maksimal sa i përket përhapjes së infeksionit.
Mediat franceze raportojnë se niveli në këto tre qytete ka arritur në 250 raste të reja për 100 mijë banorë. Kjo ka bërë që të rritur numri i pacientëve të shtruar në spitale. Gazeta e njohur “Le Parisien” shkruan se me këto nivele, izolimi i ri kombëtar është në dyert e Francës.
Megjithatë qeveria ka konfirmuar se nuk do të ketë mbyllje të përgjithshme të universiteteve, edhe pse sipas të dhënave, një e treta e vatrave të reja të Covid-19, raportohen pikërisht nga ambiente shkollore.
