Kryetari i Partisë Demokratike, Lulzim Basha, ka shprehur pakënaqësi në lidhje se si po menxhohet kriza e koronavirusit nga Qeveria.
Basha theksoise Qeveria duhet të krijojë një paketë të ngjashme me atë të Kosovës, ndërsa shton se “260 milion eurot e oligarkëve mund t’i vërë në dispozicion të krizës”.
Më tej Basha ritheksoi edhe një herë atë që PD ka kërkuar edhe zyrarisht që të anulohen “10 kontratat e oligarkëve” dhe ato para të shkojnë për të ndihmuar buxhetin në menaxhimin e krizës.
“Qeveria t’ia kushtojë gjithë vëmendjen krizës. Kur një familje është në hall mblidhet dhe zgjidh si do ta kalojë hallin, ashtu duhet të mblidhet dhe qeveria. Ka mjaft hapësirë …260 milion eurot e oligarkëve mund t’i vërë në dispozicion të krizës. Ja kemi thënë edhe zyrtarisht që kjo shumë është e mjaftueshme për ta kaluar krizën. Të paktën të ketë një paketë të ngjashme me Kosovën. Paketa jonë është sa një e treta e Kosovës, nuk është e mjaftueshme. Kjo do t’i kursentë shumë buxhetit, do t’i lejonte frymëmarrjen ekonomisë. Do ndihmohen familjet në nevojë ekstreme”,-tha Basha. Opinion.al
