Është më se e qartë që trendi më i famshëm e i përhapur i këtij viti janë fustanet me tyl dhe shumë shtresa. Të shumtë kanë qenë personazhet në botë që në daljet e tyre publike e kanë zgjedhur trendin e krijuar nga Giambattista Valli. Sigurisht, kjo tendencë është përqafuar edhe në Shqipëri.
Luana Vjollca, një nga shqiptaret që gjithnjë ecën me hapin e kohës në modë, e ka testuar disa herë madje. Një nga rastet ishte dasma e Sara Hoxhës dhe Ledion Liços në liqenin e Comos, në Itali. Aty moderatorja bukuroshe veshi një fustan të kuq me tyl dhe shumë shtresa.
Një fustan të tillë e kish zgjedhur edhe Chiara Ferragni në një festë Krishtlindjeje të parakohshme. Blogerja e famshme kishte zgjedhur një fustan të kuq me tyl dhe shtresa si i Luanës. Fustani ishte i stilistit të njohur Giambattista Valli. Ky i fundit është edhe personi që e krijoi dhe përhapi trendin e këtyre veshjeve.
“Edhe ti më kopjove??” i komenton Luana në fotografi Chiarës. Më këtë koment Luana e bën të qartë se e kopjojnë gjithë kohës. Përveç kësaj, madje edhe yje të njohur botërisht si Chiara frymëzohen prej saj.
Më pas Luana e ka fshirë komentin dhe ka taguar stilisten kosovare Blerina Kllokoqi Rugova që ka stiluar fustanin e Luanës në dasmë, dhe ka shkruar “like us” (si ne.)
Ndoshta Luana e ka kuptuar që komenti ishte i pavend, edhe pse me shaka. Kjo sepse Chiara Ferragni kishte veshur fustanin e stilistin që e krijoi trendin dhe çdo lloj fustani tjetër i krijuar apo i qepur nga stilistë të tjerë është në fakt kopje e këtij të parit. Opinion.al
