Në 11 shtator mund të themi se përfundojnë pushimet verore. Të paktën për të gjithë fëmijët, dita kur fillon shkolla shënon fundin e pushimeve, për të nisur në një periudhë sa të bukur nën shoqërinë e miqve më të mirë, aq edhe impenjative.
Disa prej tyre ulen në bankat e shkollës për herë të parë, për këtë arsye psikologia Lira Gjika ka dhënë disa këshilla për prindërit se si duhet të sillen me fëmijët e tyre në ditën e parë të shkollës.
Ajo shkruan se në një ditë kaq të rëndësishme për ta, fëmijët duhet të flasin shumë me fëmijët, të tregojnë eksperiencën e tyre, si janë ndjerë ato në këtë moshë.
Gjithashtu psikologia shkruan se prindërit e fëmijëve që nisin klasën e parë duhet të jenë më të vëmendshëm pasi për shkak të emocioneve të shumta ato mund të përjetojnë nga mbajtja e frymës e deri tek nervozizmi i pakontrolluar.
“Prindër flisni me fëmijët tuaj, tregojini se çfarë keni përjetuar kur ishit edhe ju në këtë fazë të jetës. Tregojini për frikrat, mërzitë dhe përtesat që provonit. Flitini për sforcon që ju është dashur të bënit që tja dilnit të mësonit dhe t’i bënit mirë detyrat. Por edhe pyetini se çfar ata ndjejnë, a provojnë edhe ata të tilla ndjesi apo e kanë më të lehtë? Prindërit e fëmijëve që shkojnë për herë të parë në shkollë, të jenë akoma më të vëmëndëshëm. Fëmijët e tyre përjetojnë nga mbajtja e frymës, deri te nervozizmi i pakontrolluar e gati pa shkak, por edhe kënaqësi që më sëfundi erdhi dita të jenë edhe ata në shkollë si gjithë të rriturit. Shpjegojani që është normale që të provojnë ndjesi të tilla, përndryshe si do ja dalin ta realizojnë mirë këtë detyrë të rëndësishme ndaj vetes: të bëhen të shkolluar e të zot, që të zbulojnë botën, ta mirëmbajnë atë, madje edhe më mirë se prindërit e tyre. Flisni prindër këto dit me fëmijët, mos i lini vetëm me ankthin e madh të shkollës”, shkruan Gjika. /class
