Aktualitet

Cfarë do të ndodhë me ish-deputetin Mark Frroku pas lënies së mandatit? 


Bëhu pjesë e Grupit Zyrtar të Opinion.al
>> KËTU <<
               Publikuar në : 17:49 - 26/11/15 |
b.f

Cfarë do të ndodhë me deputetin Mark Frroku pas lënies së mandatit vullnetarisht? Pse Frroku vendosi të heqë dorë nga mandati i deputetit poikërisht në ditën që Kuvendi diskuton ligjin e dekriminalizimit? Janë këto pyetje që lindin natyrshëm pas vendimit, të deputetit kristiandemokart për ta lënë mandatin vullnetarisht.

Në tetor Këshilli i Mandateve nuk mori një vendim lidhur me mandatin e deputetit Frroku, duke vendosur ta kalojë çështjen në Kushtetuese. Sot, pikërisht pa pritur vendimin e Kushtetueses, Frroku vendos ta lërë mandatin, pa dhënë shpjegime për arsyet e këtij vendimi.

Në prill të këtij viti Gjykata e Lartë ka vendosur masën e sigurisë “arrest me burg” për deputetin kristiandemokrat , duke e cilësuar të ligjshëm arrestimin e tij, pas kërkesës së shtetit belg që e akuzon për një vrasje të ndodhur në vitin 1999.

Sipas prokurorise, mbi Frrokun nuk rendon vetem akuza që vjen nga drejtësia belge, për të cilat Kuvendi votoi heqjen e imunitetit, por edhe akuza nga drejtësia shqiptare, si fshehje dhe refuzim i deklarimit të pasurisë, deklarim i rremë pasurie e pastrim parash.

Akt­akuza nga drejtësia belge thekson se Mark Frroku ka qenë i përfshirë në aktivitete të paligjshme edhe në Holandë ku është dënuar me tre vite burg për trafik ndërkombëtar lëndësh narkotike dhe Itali ku është hetuar për përfshirje në një rrjet prostitucioni.

Cfarë do të ndodhë më pas me Mark Frrokun?  A do të ekstradohet ai në Belgjikë, apo do të hetohet për akuzat e bëra nga drejtësia shqiptare?

KOMENTO (0)

Shkruaj nje koment

    Pas