Një atentat me armë zjarri u regjistrua në Shkodër ditën e sotme, ku i vrarë mbeti Ismet Çekorja, babai i Barjaram Çekores, autori i dyshuar për atentatin e mbrëmjes së 25 gushtit ndaj Alban Bruçit.
Sipas News 24, Çekorja është qëlluar me 7 plumba në trup ndërsa ishte duke lëvizur më këmbë në lagjen “Kiras”, pranë ish-shkollës veterinare në Shkodër.
Ndërkohë, pas mbërritjes në vendngjarje uniformat blu kanë sekuestruar pamjet e kamerave të sigurisë të objekteve dhe shtëpive në zonë për të bërë të mundur identifikimin e autorit.
58-vjeçari, Ismet Çekorja është babai i Bajram Çekores, ky i fundit i shpallur në kërkim për atentatin ndaj Alban Bruçi pak ditë më parë në Shkodër. Ndërkohë, 4 ditë më parë,viktima Ismet Çekorja pas shpalljes në kërkim të djalit të tij, doli në një deklaratë për mediat duke thënë se ishte i pafajshëm dhe se në momentin e atentatit, i biri ka qenë në një vend të monitoruar me kamera./Opinion.al.
