Sekretari i Përgjithshëm i Partisë Demokratike, Gazment Bardhi ka reaguar ditën e sotme për deklaratat e Taulant Ballës lidhur me Lëvizjen Socialiste për Integrim. Në një intervistë televizive, Balla bëri diversion duke thënë se PS dhe PD kanë marrëveshje kundër LSI.
Ndërkaq, sipas Bardhit qëndrime të tilla janë diversione të cilat vijnë si pasojë e frikës që ka kapur Partinë Socialiste nga humbja përballë Opozitës së Bashkuar.
Sipas Sekretari i Përgjithshëm të PD, “Edi Rama dhe Taulant Balla kanë vetëm një hall, të shtojnë pasuritë e tyre, llogaritë bankare dhe vilat e fshehura”.
Postim i plotë:
Diversionet idiote të Taulant Ballës për Opozitën e Bashkuar kanë vetëm 1 shkak: humbjen e thellë të pushtetit të korruptuar të Edi Ramës dhe Taulant Ballës më 25 Prill!
Çdo sondazh i nxjerr humbës, sepse çdo shqiptar e di se Edi Rama dhe Taulant Balla kane vetëm 1 hall: të shtojnë pasuritë e tyre, llogaritë bankare, vilat e fshehura! Ky është modeli që do të shkojë për skrap më 25 Prill.
Asgjë nuk do të gëzojnë! 25 do të sjellë ndryshimin! Do të jetë pjesëmarrja më e madhe në histori në votime! Për ndryshimin! Për shpresën!/Opinion.al
