Byroja Kombëtare e Hetimit ka njoftuar se ka përfunduar faza e tretë e përzgjedhjes së kandidatëve për hetues.
Përmes një njoftim, BKH bën me dije se pas verifikimeve, vetëm 55 kandidatë kanë marrë pikët e nevojshme, ndërsa 49 të tjerë nuk kanë mundur të kalojnë fazën e tretë të konkurrimit.
Ky rezultat tregon se BKH nuk është e plotë, pasi në intervistë do të shkojnë vetëm 55 kanidatë, nga 60 që kërkohen për këtë institucion.
Procesi vijon me fazën e katërt, që është ajo e intervistës e cila do të zgjasë nga data 13 nëntor deri më datë 21 nëntor dhe do të zhvillohet në zyrat e Këshillit të Lartë të Prokurorisë, te godina e Polit të Drejtësisë.
653 aplikantë nisën garën për 60 vende të BKH-së, por rreth 600 u skualifkuan gjatë tre fazave.
Disa prej kandidatëve të skualifikuar kanë ngritur padi ndaj Komisionit të Përzgjedhjes për falsifikim dokumentesh dhe shpërdorim detyre./Opinion.al
