Aktualitet

Buxheti/ Tabaku: Shqetësim kontratat koncesionare, paguajmë pa marrë shërbime


Bëhu pjesë e Grupit Zyrtar të Opinion.al
>> KËTU <<
               Publikuar në : 10:49 - 03/11/21 |
Opi Nion

Këtë të mërkurë është mbledhur sërish Komisioni i Ekonomisë ku prej ditësh vijon të diskutohet projektligji për Buxhetin 2022.

Gjatë fjalës së saj, nënkryetarja e PD-së, Jorida Tabaku tha se projektbuxheti nuk ka të pasqyruar shqetësimin që qeveria deklaroi pak javë më parë që ka lidhje me krizën e energjisë.

Po ashtu sipas saj qeveria nuk ka një plan të qartë për zgjidhjen e kësaj krize.

“ Kam një shqetësim sa i përket situatës energjetike. Dy muaj më parë kryeministri deklaroi se ka një krizë energjetike, si reflektohet kjo në buxhetin e shtetit në drejtim të mbështetjes qytetarëve. Nuk e shoh shqetësimin që do të hasë tregu, por edhe familjet shqiptare, nuk trajtohet aspak as rritja e çmimit të gazit. Detyrimet e prapambetura që lidhet me totalin e detyrimeve të prapambetura! Thatë 18 mld. Besoj se ministria nuk është treguar e vërtetë. Investimet publike janë në një nivel shumë të ulët. Kjo qeveria ka shpenzimet më të mëdha që ka pasur ndonjëherë, por këtë nuk e shoh farë të reflektuar në politika. Një rritje e tillë e shpenzimeve publike e papërkthyer në prioritete është një shqetësim shumë i madh janë fondet për arsimin profesional. Fondi i përndjekurve politikë, përmbytjet. Shqetësimi më i madh janë kontratat koncesionare. KLSH thotë për të paktën 5 kontrata koncesionare 4 prej tyre në shëndetësi, ne jemi duke paguar pa u kryer shërbimi. Kontratat koncesionare të përmenduar nga KLSH, ne nuk kemi asnjë marrje masë, por vijojmë pagesën. Kemi paguar një kontratë koncesionare për PPP-në e fiskalizimit dhe kemi pagesë vetëm për çelsat.

Tabaku më tej shtoi se buxheti i shtetit është i dedikuar për shpenzimet e PPP-ve. Ajo rreshtoi disa prej koncesioneve dhe PPP-ve.

1.Rruga Milot-Fier (pjesë e autostradës Adriatiko Joniane që në vendet e tjera financohet nga BE dhe në Shqipëri nga buxheti) 178 mld lekë (1.4 mld Euro)

Kosto e kësaj rruge është 18 mln euro/km ndërkohë që mesatarja e vendeve të BE është 9.3 mln euro/km.  Rruga në fjalë do jetë e gjatë 115 km dhe ka 62 km ekzistuese dhe vetëm 53 km që do të ndërtohen rishtazi. Tani si ka mundësi që kjo rrugë që jepet me PPP ka një kosto që është 2 fish më e lartë se sa kostot e ndërtimit të rrugëve në BE?

2.Kolaudimi i Automjeteve (rishpallje) me vlerë 20.2 mld lekë (163 mln Euro).

3.Triport Vlorë me vlerë 5.6 mld lekë (45.6 mln Euro)

4.Siguria rrugore me vlerë 5 mld lekë (45 mln Euro)

5.Infrastruktura brenda qytetit të Elbasanit 882 mln lekë (6.7 mln euro)

6.Shërbimi i infrastrukturës së çelësave publikë që kanë lidhje me PPP të Fiskalizimit me vlerë 208 mln lekë (1.69 mln euro).

7.Ndërtimi dhe operimi i aeroportit të Sarandës me vlerë 4.2 mld lekë (34.2 mln euro)

Deputetja Tabaku u shpreh se FMN i kërkon qeverisë që të manaxhojë më mirë shpenzimet dhe se qeveria duhet të shohë PPP-të duke i frenuar ndërsa qeveria vazhdon të rrisë përqindjen e shpenzimeve për PPP-të./Opinion.al

Pas