Kryeministri Edi Rama ka deklaruar në seancën e sotme plenare se borxhi publik aktualisht është 68.8% e Prodhimit Kombëtar Bruto ndërkohë që parashikohet të ulet në 67.5 përqind.
Sipas kreut të qeverisë rritja ekonomike në vitet e fundit ka qenë më e lartë se huamarrja.
Po ashtu Rama theksoi se ky buxhet është dyfishi i vitit 2013.
“Borxhi nuk është në ato shifrat që përrallisni ju, është 68.8 sot dhe parashikohet të shkojë në 67.5. Rritja ekonomike këto vitet e fundit ka qenë më e lartë se huamarrja. Pra, e rëndësishme nuk është sa borxh merr por sa prodhon për ta kaluar atë borxh. Rritja është mesatarisht 3.7 herë e zgjerimit të ekonomisë në raport me borxhin. Ky buxheti është dyfishi i vitit 2013”, tha Rama.
