Nga Toby Nwazor
Marrë nga ‘The Telegraph’
Përktheu për Opinion.al: Alteo Hysi
***
Njerëzit me një buxhet të limituar janë shpesh të shqetësuar rreth kostove të të bërit ndryshime në jetën e tyre që mund të ndikojë drejtpërdrejtë në shëndetin e tyre.
Gjithsesi, këto janë disa ndryshime të vogla që mund të kërkojnë një kosto të limituar, madje disa prej tyre mund edhe t’ju kursejnë para.
1-Të ecurit
Një nga shkaqet kryesore të shëndetit të dobët janë ushtrimet trupore të pamjaftueshme. Njerëzit shpesh debatojnë se ata nuk kanë para për të nisur një regjim ushtrimesh fizike si regjistrimi në jë palestër, që mund të jetë tepër i shtrenjtë. Por një mënyrë shumë e “lirë” për të stërvitur veten është të ecurit.
Benefitet e të ecurit përfshijnë mbajtjen e një peshe të rregullt trupore, muskuj dhe kocka të forta, mbajtja e një gjendje të balancuar shëndetësore. Niseni duke ecur për në punë ose drejt dyqaneve, në vend që të merrni makinën dhe përpiquni të bëni një ecje të shkurtër gjatë pushimit të drekës.
Shkoni për një shëtitje të gjatë, një ose dy herë në javë dhe kthejeni këtë në një eksperiencë të veçantë duke marrë për shoqëri dhe biseda një mik të afërt me të cilin mund të reflektoni mbi atë se si po shkon jeta juaj.
2-Përgatisni vakte të gatuara në shtëpi
Ka disa benefite nga vakte të tilla. I pari është se sigurisht kushton më pak të gatuash në shtëpi se sa ta blesh të gatshëm atë. Së dyti, ju keni kontroll të plotë mbi atë se çfarë përdoret ose jo për të përgatitur vaktin. Ndaj brenda ushqimit nuk do të ketë surpriza të pakëndshme.
Për tu siguruar se vakti i përgatitur në shtëpi është i shëndetshëm, përpiquni ti planifikoni ato paraprakisht dhe shkruani një listë blerjesh, që të shamngni blerjen e përbërësve të panevojshëm.
3-Kalojeni dietën te drithërat
Ky mund të jetë ndryshimi më i thjeshtë që mund të bëni si pjesë e një plani të shëndetshëm ushqimor. Drithërat janë tepër të lira, veçanërisht nëse i blini me shumicë. Produktet ushqimore si orizi, makarona, pasta, mund të blihen në sasi të mëdha dhe mbahen për një periudhë të gjatë në kuzhinën tuaj.
Për më tepër, drithërat mund të ulin rrezikun e vuajtjes në të ardhmen, nga një numër çrregullimesh si: çrregullimet e zemrës, diabeti, dhe disa lloje të kancerit.
4-Hani fruta dhe perime sezonale
Frutat dhe perimet sezonale janë pjesë esenciale e një diete të balancuar dhe të shëndetshme. Duke ngrënë një varietet të gjerë frutash dhe perimesh, ju po i siguroni trupit tuaj vitamina dhe minerale të nevojshme, që ai të punojë efektivisht.
Blerja e frutave dhe perimeve sezonale do t’ju kursejë para, për aq kohë sa ato kushtojnë më pak kur nuk janë në sezonin përkatës. Një këshillë fantastike është të blini produkte jashtë sezonit dhe ti ngrini ato në frigorifer për ti përdorur në një datë të mëvonshme, në vend që të shpenzoni për të blerë artikuj ushqimor në momentin që ju duhen, kur mund të rastisë që kushtojnë shumë më tepër se zakonisht.
5- Zgjidhini me zgjuarsi ushqimet e shpejta
Ka shumë momente përgjatë ditës kur uria ju kap midis vakteve. Kjo ndodh shpesh teksa jeni duke punuar. Të hani diçka të shpejtë midis vakteve nuk është një gjë e keqe, gjithmonë për aq kohë sa i zgjidhni këto ushqime në mënyrë të zgjuar.
Gabimi që shpesh shumë njerëz bëjnë është që blejnë ushqime të paketuara që janë të mbushura me yndyrna të pashëndetshme, sheqerna dhe kripë të tepruar.
Është shumë më mirë të përgatisni vetë ushqimet e shpejta, paraprakisht, në shtëpi, që ti keni gati ndërsa jeni duke punuar. Disa shembuj të mirë të këtij lloji ushqimi të shëndetshëm, që mund të kontribuojnë për një dietë të balancuara, janë frutat dhe drithërat.
Konsumimi i tyre do t’ju sigurojë vitaminat dhe mineralet e nevojshme.
6-Reduktoni madhësinë e racioneve
Porcionet e mëdha janë një nga faktorët më të mëdhenj kontribues që çojnë në shtim peshe. Një peshë e shëndetshme është po aq e rëndësishme pasi obeziteti mund të çojë në probleme shëndetësore me terma afatgjatë.
Prandaj, bën sens reduktimi i madhësisë së porcioneve si një mënyrë për të kontrolluar peshën.
Vizualizojeni sasinë e ushqimit që do të vendosni në pjatë, dhe servirini vetes më pak ushqim. Nëse ju duket e vështirë, përdorni pjata më të vogla, që ato të duken plot, edhe pse në fakt ju po hani më pak se zakonisht.
7- Edukojeni veten
Shpesh, njerëzit nuk janë të shëndetshëm sepse po bëjnë zgjedhje të gabuara. Ata nuk janë të gabuar prej mungesës së njohurive rreth asaj se çfarë konstituon një dietë të balancuar dhe të shëndtshme. Ata nuk e dinë se në çfarë proporcioni, secili nga grupet ushqimore duhet të përbëjë vaktet e tyre, dhe janë të pasigurtë se cii nga ushqimet përmban vitamina dhe minerale.
Juve nuk ju duhet të blini libra të shtrenjtë për mënyrën e jetesës për të mësuar më tepër rreth kësaj teme. Interneti është një mjet i të mësuarit falas dhe është shumë i pasur me informacion. Marrja e kohës për të mësuar më tepër rreth jetesës së shëndetshme, do t’ju ndihmojë të merrni vendime të informuar mbi stilin tuaj të jetesës.
