Aktualitet

Butrinti/ Rama-Berishës: U shpall trashëgimi kulturore me nismën time si…


Bëhu pjesë e Grupit Zyrtar të Opinion.al
>> KËTU <<
               Publikuar në : 18:24 - 23/05/22 |
Opi Nion

Kryeministri Edi Rama ka reaguar pas akuzave të kreut të PD-së, Sali Berisha për Parkun Kombëtar të Butrintit. Rama tha se parku i Butrintit është shpallur i tillë me nismën e tij si ministër i Kulturës.

Më tej ai tha se rishikimi i kufijve të parkut është bërë me kërkesë të Unesco-s, ndërsa theksoi se ka ende personazhe në Kuvend që thonë Bathore është mrekullia e 8 e botës.

“Isha lajmëruar për një seancë tjetër, dhe as nuk e imagjinoja që seanca për Butrintin do të zgjatej kaq shumë dhe që do të ishte kishte shumë admirues, mbrojtës, të flakët ndër ata që janë përgjegjësit e drejtpërdrejtë për dëmet që janë shkaktuar. Jo vetëm Butrintit, por dhe trashëgimisë kulturore dhe natyrore. Duke qenë se u përmenda pa reshtur nga parafolësi, dëshiroj të them pak fjalë. Së pari; parku i Butrintit është shpallur i tillë me nismën time si ministër i Kulturës. Butrinti është vënë në mbrojtje nga unë në atë kohë. Ndryshimi i kufijve të parkut ka ardhur si rezultat i hapjes së rrugës nga një valë ndërtimesh pa leje në zonën e Ksamilit. Rishikimi i kufijve të parkut është bërë me kërkesë të Unesco, në mënyrë që të hiqeshin nga zona e parkut të gjitha ato pjesë të kalbëzuar për shkak të ndërtimtarisë pa leje. Arkitektët dhe urbanistët dihen se kush janë. Ne kemi ende personazhe në Kuvend që Bathore është mrekullia e 8 e botës, i vetmi vend në botë që u ndërtua pa leje. Kjo ishte një vlerë e shtuar e mrekullive të botës, pavarësisht se njerëzit aty vuanin pasojat e një lumi të tillë ndërtimesh kuturu. Ju dilni dhe flisni për mbrojtjen e komunitetit të kulturës, është vërtetë të kesh dy; një mbash dhe një ta çash. As dy nuk ndalin.”, tha ai.

Më herët, kreu i PD Sali Berisha ka akuzuar kryeministrin Edi Rama se po shfrytëzon planin e menaxhimit të Parkut Kombëtar të Butrintit, për të ndërtuar vila dhe resorte.

Pas