Kronikë

Breshëri ndaj hotelit në Tushemisht, lihet në burg njëri nga të dyshuarit


Bëhu pjesë e Grupit Zyrtar të Opinion.al
>> KËTU <<
               Publikuar në : 12:48 - 12/08/20 |
Al Do

Gjykata e Pogradecit ka dhënë masën e sigurisë burg me afat 30 ditor për një nga personat e dyshuar si të përfshirë në ngjarjen e ndodhur në një hotel në Tushemisht disa ditë më parë.

Maringlen Topuzi është lënë në burg por gjatë seancës ai ka mohuar në mënyre kategorike të jetë pjesë e ngjarjes së ndodhur, ku u qëllua me breshëri drejt hotelit.

Avokati mbrojtës Nevzat Tarelli, kërkoi ekspertimin e pamjeve filmike që disponon mbrojtja. Sipas tij klienti i tij është i pafajshëm dhe duhet liruar menjëherë pasi ekzistojnë prova dhe pamje filmike që në orët kur ka ndodhur ngjarja Topuzi ka qenë diku tjetër.

Ndërkohë, policia njoftoi sot arrestimin e persona të tjerë të përfshirë në këtë ngjarje: Ilir Berberi 52 vjeç, Ilir Meçolli 22 vjeç, Ardian Xhuti 29 vjeç dhe Elvir Haxhia 32 vjeç.

Sipas policisë Ilir Berberi është organizatori i këtyre ngjarjeve, një person me precedent të theksuar kriminal. Prej disa ditësh ai ishte i fshehur në një çadër në pyllin e fshatit Vërdovë.

Hotel “Voloreka” në Tushemisht u qëllua dy herë me kallashnikov. Motivi kryesor i ngjarjes dyshohet të jetë një konflikt që djali i pronarit të hotelit ka patur me autorët./ Opinion.al

Pas