Rappaport është themeluesi i “RJR Props” me qendër në Atlanta, një kompani filmash që është e specializuar për të dhënë para falso për xhirime filmash, reklamash, dhe videoklipesh.
Sipas “CNN” paratë e tij u përdorën në “Wolf of Wall Street”, “Fast and Furious”, në serialin Netflix “Ozark” dhe në videot muzikore të 50 Cent dhe Kendrick Lamar. Por sipas tij shtypja e parave është një biznes delikat.
“Dëshiroja qartësi rreth ligjeve dhe rregullave. Shumica e kompanive të tjera që bëjnë para të gatshme janë në të vërtetë duke prodhuar para të paligjshme, dhe kjo mund të bëjë që dikush të gjobitet dhe të burgoset”.
Shumë reale për të qenë të rreme
Teknikisht, paratë e rreme në SHBA duhet t’i përmbahen rregullave të rrepta federale (të përshkruara në Aktin e Zbulimit të Falsifikimit të vitit 1992) të cilat përfshijnë shtypjen vetëm në njërën anë dhe duhet të jenë dukshëm më të mëdha ose më të vogla se monedha aktuale. Por jo të gjithë ecin koherent me rregullat, ndaj ndodhin dhe incidente.
Në vitin 2001, gjatë xhirimeve të “Rush Hour 2” në Las Vegas, rreth 1 miliard dollarë false u hodhën në erë gjatë një skene, por disa kartmonedha false shpëtuan nga shkatërrimi dhe përfunduan në qarkullim. Kjo ishte koha kur Shërbimi Sekret u përfshi fuqishëm në bizneset e këtij soji. Ngjarja krijoi një precedent për krijuesit e parave false.
Rappaport tha se ai flet drejtpërsëdrejti me qeverinë për të përmbushur rregullat federale duke gjetur mënyra të ndryshme për të krijuar dollarin fals më të mirë të mundshëm. Ai i quan paratë e tij false klasë i lartë dhe me standard.
“Paratë tona janë të shtypura në të dyja anët, por ka një iluzion optik që është ndërtuar nëpër to. Ky mashtrim, tha ai, është që ti bëjë ato të duken të vërteta në aparat fotografik, por t’i dallojë që janë të rreme nëse dikush përpiqet t’i kalojë në një dyqan.”
Nuk jam e vërtetë
Për të qenë në përputhje me ligjet federale, paratë e riprodhimit nuk mund të bëhen duke modifikuar dizajnin e parave aktuale, kështu që RJR Props kanë krijuar dizajnin e tyre.
Në një shikim të parë, paratë false duken krejt si të vërteta. Por sapo t’i zmadhoni, dallimet bëhen të dukshme. Në vend të “Rezerva Federale e Shteteve të Bashkuara”, fjalët nën “100” në këndin e majtë lexojnë “Unreal Fake Currency Reserve”. Gjithashtu vepra e Franklinit është bërë nga e para, dhe nuk e ka emrin e tij nën të.
Vula është një dizajn tjetër dhe të dy nënshkrimet lexojnë “nuk jam i vërtetë” në vend të emrave të Thesarit të Shteteve të Bashkuara . Asgjë nuk i mbijeton shqyrtimit: madje “United States” shkruhet me “Ë” në vend të shkronjës “U”.
Sa kushtojnë paratë false?
RJR i shesin ato në grumbuj, me çmimin standard duke shkuar nga 45 dollarë në 65 dollarë. Ata gjithashtu bëjnë një lloj të veçantë kartmonedhash që duken sikur kanë qenë prej kohësh në qarkullim. Kjo kushton një shtesë prej 20 dollarësh.
“Është shumë e vështirë për t’u bërë, më e vështirë se sa njerëzit e imagjinojnë, bëhet me dorë, çdo kartmonedhë është e rrudhur, e ngjyrosur, e djegur me cigare. Proces i vështirë, që zakonisht që kërkon 15 ose 20 njerëz të ulur rreth një tavoline. ” /E.M
