Në një konferencë për mediat me kryeministrin Edi Rama, shefi i politikës së Jashtme në Bashkimin Europian, Josep Borrell njoftoi paketën e katërt të sanksioneve ndaj Rusisë.
Ai është shprehur se është një moment kritik lufta në Ukrainë dhe se sot në përgjigje ndaj Rusisë është miratuar një paketë e katërt masash për të rritur presionin ekonomik ndaj Kremlinit.
” Është moment kritik dhe më shumë se kurrë duhet të takohemi e të diskutojmë këto çështje. është e tmerrshme, se si udhëheqja ruse vijon të sulmojë Ukrainën pa dallim. Nuk është thjesht një luftë në kuptimin ushtarak. Vijojnë me këtë qëndresë, do vijojmë mbështetjen tonë për Ukrainën, pavarësisht kërcënimeve ruse, kjo mbështetje do të vijojë. Ka qenë agresion brutal nga Rusia dhe në përgjigje ne kemi miratuar sot për një paketë të katërt të fortë masash kufizuese që të kontribuojë më tej për të rritur presionin ekonomik ndaj Kremlinit si edhe të gjymtojë bazën e vet logjistike. Masat do të kenë ndikim në tregtinë ruse, qasjen në tregje, eksportin e mallrave, në shënjestër kemi vënë edhe sektorë kritikë të ekonomisë”, tha Borrell.
