Aktualitet

Bordi vendos çmimet e reja, sa do të shiten nafta, benzina dhe gazi


Bëhu pjesë e Grupit Zyrtar të Opinion.al
>> KËTU <<
               Publikuar në : 11:38 - 07/05/22 |
Opi Nion

Bordi i Transparencës përmes një njoftimi ka bërë të ditur çmimet e reja të karburantit në vendin tonë. Ajo që vihet re është ulja e çmimit të naftës dhe gazit. Një litër naftë do të tregtohet tashmë me 237 Lekë për litër nga 243 Lekë që ishte më parë.

Po ashtu në të gjitha pikat e karburanteve një litër gaz do të blihet me 100 Lekë, 6 Lekë më pak nga vendimi i mëparshëm.

Ndërsa benzina ka shënuar një rritje me 4 Lekë. Një litër benzinë do te tregtohet me 227 Lekë për litër, nga 223 Lekë që ishte më parë.

Bordi i Transparencës në datë 7 Maj 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të jetë 237 lekë/litri, ndërsa i shitjes me shumicë 225lekë/litër.

Çmimi i shitjes me pakicë i nënproduktit benzinë e standardit SSH EN të jetë 227 lekë/litri, ndërsa i shitjes me shumicë 215 lekë/litër.

Çmimi i shitjes me pakicë i nënproduktit gaz, të jetë 100 lekë/litri me pakicë dhe i shitjes me shumicë 88 lekë/litër për automjetet.

( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 7 Maj 2022 ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Jemi në monitorim të vazhdueshëm të ecurisë së bursave, me qëllim reagimin sa më të shpejtë”,-thuhet në njoftimin e Bordit të Transparencës./Opinion.al

Pas