Një nga bizneset më të mëdha në Tiranë është mbyllur, si pasojë e aksionit anti-informalitetit. Bëhet fjalë për kompleksin Taivani. Lajmi bëhet i ditur nga zv. kryeministri Erion Braçe, që thekson se kjo masë është marrë për shkak se nuk kishte lëshuar asnjë kupon tatimor për klientët e saj.
Ai njofton se është mbyllur kafeneja, restorantet dhe kazinoja e këtij kompleksi. Braçe paralajmëron të gjithë bizneset se të duhet të zbatojnë ligjin pavarësisht miqësive, ndërsa falënderon inspektorët tatimorë dhe ministren e Financave dhe Ekonomisë, Anila Denaj për korrektësinë në krye të detyrës.
“Ky është Taivani! Nga dje në mbrëmje i mbyllur i gjithi! Mu në zemër të Tiranës dhe pa asnjë-zero kupon tatimor në çdo tavolinë! Për herë të dyte! Kështu që mbyllur kafeneja, mbyllur restoranti në katin e parë, mbyllur restoranti në katin e dytë, mbyllur kazinoja! Mbyllur të gjitha! Të jesh kush të duash, i madh sa te duash, mik e shok me kë të duash, ose zbato ligjin, ose do mbyllesh! Mos kërko kot, nuk të ndihmon dot kërkush”, shkruan Braçe./ Opinion.al
