Kryeministri Edi Rama deklaroi sot se rezultati i zgjedhjeve nuk përmbyset dot duke blerë votat, ndërsa nuk i kurseu as ironitë për LSI-në.
“As fabrika parave të LSI nuk arrin që të përmbys rezultatin kombëtar. Është fabrikë që ka punuar me eficense të plotë në raste të caktuar. S’ka shanse! Dhe përsa i përket besueshmërisë time, unë nuk mund të jem i besueshme për burime të infektuara informimi. Skam se si të jem i besueshëm.”-tha ndër të tjera Rama.
Gazetarja: Ju folët për 20 persona të përfshirë në vjedhjen e votës. Nuk është hetuar, sa i besueshëm jeni ju për fenomenin e shit blerjes së votës, 184 është fakt, nëse nuk janë të vërteta pse jeni tërhequr nga padia e gazetarit të Bild?
Rama: Jam realisht shumë i interesuar që të kuptoj se kur i bëni këto pyetje, se i mendoni vërtetë apo i recitoni se ua thonë pronarët. Se di nëse nuk kam për ta marrë vesh tamam. Është e pabesueshme që ju të bëni këtu prokurorin dhe gjykatësin suprem. Ju keni emra dhe ju keni pretendimin se nuk janë hetuar. Ku e dini ju?! Nga e dini ju? Si e dini ju? Psh, apo ku e dini ju që emrat që ju përmendni janë të përfshirë në diçka që është kriminale?! Si e dini ju? Nga muhabetet e telefonave?! Si mund të bëhet kjo prokurori dhe gjykatë në media me kufje në vesh?! Është habi e madhe.
Ndërkohë që është prokuroria ajo që bën hetimin, prokuroria e shtetit dhe jo e neës-eve. Është ajo që vendos për kë ngre akuzë dhe për kë jo. Jo juve. Ju kam thënë dhe një gjë gjithmonë, bëni sondazhe, mos i komentoni ato të të tjerëve. Nuk ka shans që të përmbyset rezultati i një procesi elektoral kombëtar duke blerë. Nuk ka shans! As fabrika parave të LSI nuk arrin që të përmbys rezultatin kombëtar. Është fabrikë që ka punuar me eficense të plotë në raste të caktuar. S’ka shanse! Dhe përsa i përket besueshmërisë time, unë nuk mund të jem i besueshme për burime të infektuara informimi. Skam se si të jem i besueshëm. Se sa i besueshëm, këtë e vendos populli shqiptar. Populli shqiptar në datë 25 do të na japë testin e besueshmërie në dorë të gjithëve. S’ka problem. Nuk pres që të behëm i besueshëm për pronarët e disave prej jush. Nuk bëhem i besueshëm për ta se do të bëhem i pabesueshëm për popullin shqiptar./Opinion.al
