Një Tiranas i denjë për kryeqytetin. Ky është propozimi interesant i Lulzim Bashës për kandidatin për deputet nga radhët e të rinjëve në Tiranë. Ai është Blendi Sulaj, 25 vjeç, pasardhës i një familjeje autoktone Tiranase, në çelje të mitingut të PD-së, ku i pranishëm ishte edhe kryetari Lulzim Basha, u kërkoi banorëve të lagjes numër 9, ku është rritur që t’a votëbesojnë si përfaqësues të tyre në parlament.
Kjo është gara e parë e tij për të qenë pjesë e Kuvendit të Shqipërisë, ndërsa sfida qëndron në faktin se a do t’ia dalë Blendi Sulaj të jetë një Tiranas, të përfaqësojë dhe të shprehë cilësit më të mira të së djathtës, pozicion që prej 25 vitesh e ka mbajtur Dashamir Shehi?
Me siguri, para së gjithash, kjo është sfida e tij për t’u treguar bashkëkryeqytetasve se është një emër që vlen dhe mbi të gjitha një zgjedhje e denjë për ta. Në vazhdën e kësaj ideje, ishte dhe thirrja që ai u bëri mbështetësve të djathtë në mitingun çelës të fushatës, ku dhe kërkoi që të jetë përfaqësues i tyre pas zgjedhjeve të 25 qershorit.
Blendi Sulaj është renditur i 14 në listën e kandidatëve të PD-së në Tiranë, qark ky që nxjerr gjithsej 34 deputetë. 25 vjeçari Tiranas, është i bindur se do të jetë zëri i të djathtëve nga kryeqyteti në Kuvendin e Shqipërisë, si një alternativë me energji pozitive nga radhët e të rinjëve.
