Politikë

Blendi Fevziu: Dy gabimet më të mëdha të Lulzim Bashës


Bëhu pjesë e Grupit Zyrtar të Opinion.al
>> KËTU <<
               Publikuar në : 20:26 - 10/03/22 |
Opi Nion

Gazetari Blendi Fevziu ka komentuar situatën brenda Partisë Demokratike pas humbjes së zgjedhjeve të pjesshme në 6 bashki të vendit.

Gjatë një interviste në “ABC”, Fevziu tha se në zgjedhjet e 6 Marsit u konstatua tkurrja e elektoratit të PD, teksa shprehet se kjo gjë ka ardhur për shkak të lidershpit.

Po ashtu, Fevziu tregoi dhe dy gabimet e kryedemokratit Lulzim Basha që sipas tij, ndikuan në rezultatet e PD në zgjedhje.

Fevziu thotë se Basha nga fillimi e ka projektuar veten e tij nën hijen e Sali Berishës, ndërsa gabimi i dytë lidhet me sjelljen e tij kakofonike.

‘Lulzim Basha kishte dy gabime të mëdha. Gjithë jetën e projektoi veten nën hijen e Berishës. E dyta ka një sjellje kakofonike, tregoi se nuk kishte filozofi të tij në politike, as ambicie për të marrë drejtimin e vendin. Bashën sot e gjeje në liderin e butë, dhe nesër bënte një gjest që se ka bërë askush në Shqipëri, nuk është mbyllur askush në çadër, nuk ka dorëzuar askush mandatet’, u shpreh Fevziu.

Pas humbjes së zgjedhjeve të 6 marsit, deputetët demokratë i kanë kërkuar Bashës të dorëhiqet nga drejtimi i PD dhe të hap garën për të zgjedhur kryetarin e ri./ Opinion.al

Pas