Biznesmeni Sinan Idrizi, i cili është aksioner i kompanisë Air Albania Airëays, është shpallur i pafajshëm nga një gjykatë turke në Stamboll lidhur me akuzuat për mashtrim.
Sinan Idrizi ishte akuzuar nga biznesmeni turk Adnan Polat se ka mashtruar këtë të fundit dhe rrezikonte të dënohej me 3 deri në 10 vjet burg për “mashtrim të kualifikuar”.
Ai ishte vetë i pranishëm në seancën e zhvilluar në Gjykatën e Stambollit. Mediumi turk “Suzcu”, raporton se Idrizi nuk i pranoi akuzat dhe se kishte thënë se ky ishte ofendimi më i rëndë për të.
Pasi dëgjoi deklaratat e të pandehurit, prokuroria kërkoi lirimin e tij si të pafajshëm, vendim i cili u pranua më vonë nga gjykata.
Por për çfarë mashtrimi akohej Sinan Idrizi?
Aksioneri i “Air Albania” thuhet se i është ofruar biznesmenit Adnan Polat për t’i shitur kompaninë. Kjo e fundit është vlerësuar 17 milionë dollarë, nga të cilat 3 milionë e 500 mijë do të parapaguheshin nga blerësi teksa kompania do t’i nënshtrohej një kontrolli sa i përket bilanceve të saj dhe sigurisë.
Si garanci për procesin thuhet se është zhvilluar një takim mes Idrizit, Polat dhe kryeministrit Edi Rama në 3 nëntor 2016. Më 24 nëntor 2016 palët kanë nënshkruar “Kontratën e Karzit” dhe u deklarua se Polat depozitoi 3 milion 500 mijë dollarë në llogarinë e Idrizit.
Megjithatë kompania rezultoi të kishte probleme gjatë kontrollit kështu që marrëveshja nuk shkoi më tej. Por Polat pretendon se atij nuk i janë kthyer paratë dhe se në këtë proces Idrizi ka përdorur emrin e kryeministrit Rama për ta bërë të besueshme kompaninë e tij./ Opinion.al
