-U tha në Opinion

Biznesmeni shqiptar i përfolur për lidhje me kartelin e Sinaloas, nesër në “Opinion”



Bëhu pjesë e Grupit Zyrtar të Opinion.al
>> KËTU <<
               Publikuar në : 22:56 - 19/09/22 |
Opi Nion

Në emisionin “Opinion” është diskutuar lidhur me biznesmenin shqiptar që është përfolur se media se është i lidhur me kartelin meksikan të Sinaloas dhe përmes këtij karteli pastroheshin paratë.

Gazetari Artan Hoxha i pyetur nga Blendi Fevziu nëse këto akuza janë serioze, tha se ky biznesmen është sulmuar nga karteli i Sinaloa për t’i marrë bizneset.

“Ka ikur herët nga Shqipëri, mos gaboj duhet të jetë 48-50 vjeç. Ai ka qenë në disa vende të Amerikës Latine. Unë jam vënë në lëvizje në lidhje me këtë person për shkak se emri i tij ka dalë në një aferë në Panama, kur është diskutuar për lidhje me politikanë dhe me pushtetarë në Panama. Pastaj emri i tij është përmendur në historinë e dokumenteve të Panama Papers. Nuk është qytetar nga Vlora, është nga Njësia Administrative e Belshit, se familjen e ka atje. Në Meksikë di që ka patur një konflikt që ka filluar 3 vite më parë në një rrjet të kazinove të cilat i administron ky person. Ka patur disa ngjarje të iniciuara nga karteli Sinaloa. Karteli Sinaloa ka dashur që t’ia marrë këtë biznes sepse është një biznes që është i ndërtuar në një rrjet hotelesh që është brand ndërkombëtar. Dhe karteli i Sinaloa ka iniciuar disa ngjarje brenda këtyre kazinove ku njerëz të armatosur janë futur brenda, kanë hapur dhe zjarr, kanë tentuar që ta shkatërrojnë atë si biznes, t’ia marrin nën kontroll. Karteli Sinaloa nuk ka qenë mbrojtësi i tij, por ka qenë sulmuesi”, tha ndër të tjera Artan Hoxha.

Ndërkohë drejtuesi i emisionit, Blendi Fevziu ka deklaruar se biznesmeni i cili përmendet në këto lajme do të jetë i pranishëm ditën e nesërme në emisionin “Opinion”

Personi do të jetë vetë nesër i ftuar në studio. I është përgjigjur pozitivisht ftesës që i kanë bërë gazetarët tanë, kanë arritur ta gjejnë dhe ka thënë që do vijë të flasë”./Opinion.al

Pas