Dëshmi të shumta vijnë nga kampi i luftës ku mësohet se shumë ushtarë rusë nuk e kanë ditur se po shkonin në luftë në Ukrainë.
Ka qenë ambasadori i Ukrainës në OKB, Sergiy Kyslytsya, që gjatë punimeve të Asamblesë së Përgjithshme, lexoi mesazhet prekëse të një ushtari rus me nënën e tij përpara se të vritej.
Mes rreshtave, ushtari i identifikuar Loshja i thotë nënës së tij se ka frikë dhe se populli ukrainas po i quan fashistë.
“Mami, unë jam në Ukrainë, këtu është një luftë e tmerrshme, kam frikë, ne po bombardojmë të gjitha qytetet, po synojmë edhe civilët. Na thanë se ukrainasit do të na mirëpresin, por ata u hodhën nën mjetet tona luftarake. Nuk na lënë të kalojmë. Na quajnë fashistë. Mami, kjo është shumë e vështirë”, lexoi ambasadori.
Në fund, ambasadori tha se ushtari, mesazhet e të cilit i kishte lexuar, tani kishte vdekur.
Ukrainian Ambassador to the @UN @SergiyKyslytsya reads text messages between a Russian soldier and his mother moments before he was killed.⁰
“Mama, I’m in Ukraine. There is a real war raging here. I’m afraid. We are bombing all of the cities…even targeting civilians.” pic.twitter.com/kbWYZfbSpE
— CSPAN (@cspan) February 28, 2022
