Aktualitet

Bilanci i vettingut



Bëhu pjesë e Grupit Zyrtar të Opinion.al
>> KËTU <<
               Publikuar në : 15:48 - 02/01/23 |
Opi Nion

“Në derën pas krahëve të mi, hynë edhe dolën 464 magjistratë që nga Marsi i 2018-ës deri më tani. 216 prej të cilëve u larguan si të papërshtatshëm për pasurinë, aftësitë profesionale, por edhe si të lidhur me krimin. 98 të tjerë, prokurorë e gjyqtarë, i thanë jo procesit të vetingut dhe u larguan me dorëheqje nga sistemi”.

Edhe pse mes rasteve të dërguara në seanca publike, sipas të dhënave zyrtare të Komisionit të Pavarur të Kualifikimit, mbizotërojnë vendimet e konfirmimit, me 248 raste, procesi i vettingut, në total bashkë me të dorëhequrit largoi nga sistemi 314 prokurorë e gjyqtarë.

Gjyqtarët përbëjnë numrin më të madh të të shkarkuarve dhe po ashtu, nga radhët e tyre numërohen më shumë të dorëhequr, duke e çuar numrin e të larguarve nga sistemi në 187 gjyqtarë, përballë prokurorëve me 107 të larguar.

Në shumicën e rasteve magjistratët dhe Komisioneri Publik, nuk janë pajtuar më vendimet e KPK-së. Ndaj 303 raste janë apeluar në Kolegjin e Posaçëm të Apelimit, i cili ka dalë me vendime për 172 prej tyre, duke lënë në fuqi pjesën më të madhe.

Shkalla e parë e vettingut mbyll mandatin në 2024, pas zgjatjes së tij në Shkurt të këtij viti me 36 muaj dhe gjatë kësaj kohe, duhet të hetojë në tre kritere edhe 201 prokurorë e gjyqtarë.

Vendimet e vettingut kanë pasur edhe dritëhije. Edhe pse Gjykata e Strasburgut nuk ka goditur procesin në vetvete, në dy raste i ka konsideruar vendimet të gabuara dhe në cenim të të drejtave të magjistratëve, por pa i rikthyer ata në detyrë.

Në nisje të procesit për pastrimin e radhëve të drejtësisë, sistemi kishte 805 magjistratë./ Tv Klan

Pas