275 mijë persona janë infektuar nga koronavirusi në botë, nga të cilët 11,400 kanë ndërruar jetë, ndërsa 88 mijë janë shëruar.
Të dhënat janë publikuar nga ‘Johns Hopkins University’, ku shihet se situata është mjaft e rëndë në Evropë, ku vetëm një ditë më parë, Italia regjistroi një rekord të zi, ku u raportua për 627 persona të vdekur, si dhe 4670 raste të reja. Po ashtu, edhe në Spanjë situata është dramatike, pasi numri i personave të vdekur ka shkuar më shumë se 1 mijë.
Ndërkohë përhapja e koronavirusit është e madhe edhe në Shtetet e Bashkuara të Amerikës dhe në Australi.
Sakaq, situata në Kinë, është drejt normalitetit total, ku për të tretën ditë radhazi nuk ka pasur asnjë rast të ri të një personi të prekur nga koronavirusi brenda territorit, përveç rasteve të ardhura nga jashtë./Opinion.al
