Presidenti i SHBA, Joe Biden, pritet të martën të ndalojë importet e naftës, gazit natyror dhe qymyrit rus në SHBA.
SHBA do të bëjë këtë lëvizje në mënyrë të njëanshme, pa aleatët e saj evropianë. CCN shkruan se vendet e BE-së kanë dukshëm më shumë ekspozim ndaj energjisë ruse sesa SHBA.
Biden pritet të njoftojë hapat e reja të ndërmarra ndaj Rusisë ditën e sotme.
Importet e SHBA nga Rusia përbëjnë një pjesë të vogël të energjisë — afërsisht 8% në 2021, nga të cilat vetëm rreth 3% ishte naftë bruto. Zyrtarët ekonomikë të Shtëpisë së Bardhë janë angazhuar për më shumë se një javë se si të menaxhojnë çdo vendim për ndërprerjen e këtyre importeve, thonë zyrtarët.
“Është një përqindje mjaft e vogël e energjisë që vjen në SHBA, por është kritike për Evropën Perëndimore,” tha senatori i Delaware Chris Coons të martën në mëngjes në “New Day” të CNN.
Demokrati shtoi, “Forca e sanksioneve tona, e kostove që po i imponojmë Putinit për këtë pushtim brutal të Ukrainës është i suksesshëm dhe i qëndrueshëm kur ato janë të koordinuara. Pra, unë respektoj faktin që administrata po koordinohet me aleatët tanë evropianë.”/Opinion.al
