Presidenti Joe Biden do të takohet me Presidentin Vladimir Putin muajin që vjen në Gjeneve të Zvicrës. Takimi ballë për ballë midis dy udhëheqësve vjen mes përshkallëzimit të tensioneve midis Shteteve të Bashkuara dhe Rusisë gjatë muajve të parë të administratës Biden.
Shtëpia e Bardhë konfirmoi detajet e samitit të martën. Takimi i planifikuar i dy udhëheqësve më 16 qershor do të zhvillohet në fund të turneut të parë ndërkombëtar të Presidentit Biden. Ai do të qëndrojë në Britani për një takim të udhëheqësve të grupit G-7 dhe do të marrë pjesë në samitin e NATO-s në Bruksel.
“Udhëheqësit do të diskutojnë për një gamë të gjerë çështjesh të ngutshme, ndërsa kërkojmë të rikthejmë parashikueshmërinë dhe stabilitetin në marrëdhëniet SHBA-Rusi”, tha zëdhënësja e Shtëpisë së Bardhë Jen Psaki përmes një deklarate që njoftonte samitin.
Presidenti Biden e propozoi zhvillimin e takimit gjatë një telefonate me Putinin në muajin prill./ VOA
