Aktualitet

Berisha: Rama dhe Kim, betejë e turpshme për kreun e SPAK. Tragjikomedi e paimagjinueshme



Bëhu pjesë e Grupit Zyrtar të Opinion.al
>> KËTU <<
               Publikuar në : 12:50 - 16/12/22 |
Opi Nion

Kreu i PD, Sali Berisha, ka reaguar për deklaratat e kryeministrit Edi Rama dhe ambasadores Yuri Kim për zgjedhjen e kreut të ri të SPAK.

Në një konferencë për mediat, kreu i PD,  duke i cilësuar  deklaratat e tyre si betejë të turpshme mes kryeministrit dhe ambasadores tha se me ligj Rama dhe Kim s’kanë lidhje me emerimin e kreut të SPAK-ut.

“Vijmë te tragjikomedia e paimagjinueshme që po ndodh me atë që duhej të ishte institucioni i shpresës së shqiptarëve, me SPAK-un. Kurrë në histori, as në romanet e Markezit, nuk mund të gjesh një betejë të turpshme midis një kryeministri dhe një ambasadori që me ligj nuk kanë asnjë lidhje me emërimin e kreut të SPAK-ut.

Asnjë lidhje nuk kanë.

Ç’punë ka një kryeministër se kush emërohet në krye të SPAK-ut? Ka vetëm dosjen e tij, sepse dosja e djegësave është dosje e një organizate kriminale, në të cilën ka firmosur Edi Rama.

Beteja është surrealiste. Nuk ndodh kurrë. Bota e krimit darkon dhe drekon me eksponentë të krimit të organizuar që është në parlament. Ky është asgjësimi si kurrë më parë i sistemit të drejtësisë. Kurrë ndonjëherë nuk ka ndodhur”, tha Berisha.

Pas