Në konferencën e përjavshme për mediat ish-kryeministri Sali Berisha, me ironi tha se që kur doli nga spitali, kryeministrit Rama i ka mbetur “zorra e trashë në gojë”.
Ndër të tjera, Berisha është shprehur se Rama e ka mbyllur cikin elektoral dhe se kushdo që do të mundohet të prekë votën do të ndiqet penalisht deri në fund.
“Qëkur doli nga spitali, i ka ngel zorra e trashë në gojë. Rama e mbyll ciklin e pushtetit në këtë rast. Çdo kriminel elektoral do të mbahet përgjegjës deri në ditën e fundit. I garantoj ata që kryejnë krime elektorale se për këtë vepër penale do të ndiqen deri në fund. I bëj thirrje administratës të mos bëhen pjesë e kësaj skemë. Çdo shkelje ligji do të shoqërohet me pasoja shumë të rënda mbrapa. Krimi elektoral do të shpallet krim i rëndë dhe parashkrimi do të hiqet, nuk do të ekzistojnë. Ata që marrin pjesë të vrasin votën e lirë, do të ndëshkohen shumë rëndë”, ka thënë Berisha.
