Aktualitet

Berisha: Kam pjesë të pamohueshme në dështimin e PD nga viti 2013


Bëhu pjesë e Grupit Zyrtar të Opinion.al
>> KËTU <<
               Publikuar në : 18:43 - 29/09/21 |
el ida

Nga “Foltorja” e katërt e mbajtur sot në qytetin e Durrësit, ish-kryeministri Berisha ka pranuar se ka pjesën e tij në dështimin e PD si opozitë. Ndër të tjera ai tha se nuk gaboi që u dorëhoq, por u shpreh se gaboi në faktin që nuk nisi një proces për largimin e Bashës pas humbjes në vitin 2017 dhe largimin nga lista e kandidimit te eksponenteve të partisë.

Pjesë nga fjala

Në këto zhvillime dramatike të vendit pjesën e vet e ka opozita e cila nuk arriti kurrë të organizojë aksionet, por dështoi në çdo nismë të marr nga vitit 2013 e deri më sot. Ky dështim pa diskutim që përgjegjësia absolute i përket atij që ishte në timonin e PD. Por në këtë dështim Berisha ka pjesën e pamohueshme. Ndaj unë jam këtu, për t’ju kërkuar ndjese miqtë e mi dhe për të shpjeguar se cilat ishin gabimet e mia.

Dhashë dorëheqje dhe nuk bëra gabim. Isha i bindur se kur zgjedhjet humbën në mënyrë të qartë dhe kur zgjedhësit zgjidhin kontratën me ty ti duhet t’i hapësh rrugën një tjetri, dhe unë këtë bëra.

Jam përpjekur të kontribuoj me këshilla, të transmetoj eksperiencën time sikurse jeni dëshmitarë se kam qëndruar nga mëngjesi në darkë, kundër rekordeve të zeza të qeverisë së Ramës, kam mbrojtur interesat e demokratëve, të shqiptarëve. Kam mbrotjur interesin kombëtar.

Gabimi im qëndron se, në rast se unë me të vërtetë u tregova i vëmendshëm në çështjet që rendita më sipër, u tregova i heshtur ndaj zhvillimeve brenda PD. Ndaj shkelmimit të normave, të parimeve, të kësaj partie. Unë vërtet publikisht ngrita zërin kundër në një listë të bërë pas mesnate, u ekzekutuan politikisht njerëzit me 20 vite kontribute në PD. Por unë nuk nisa procesin e përgjegjësisë për këtë akt.

Është e vërtetë që i kërkova Bashës të japë dorëheqjen pas zgjedhjeve të 2017, sepse humbje të tillë nuk kishim njohur kurrë, por nuk nisa procesin që ai të merrete përgjegjësitë për atë humbje të tmerrshme. Unë çdo gjë i thoja atij në zyrën time dhe fatmirësisht i kam të dokumentuara gjërat. Por nuk e bëja sepse nuk kisha ndër mend të kthehesha më. Kisha vendosur të qëndroja njëri prej jush pa të drejtë kthimi. Dorëheqjen time e kisha konsideruar pa kthim. Dhe nëse unë hyja në probleme të brendshme të PD, nuk mund të futesha pa një projekt. Por sidoqoftë vjen një moment, kur gabimet, mangësitë nuk mund të të pengojnë më që të ngrihesh në lartësinë e kërkesave, pritshmërive dhe të udhëtoj bashkë me ju për një PD më të bashkuar , më të hapur që ecën e sigurtë drejt fitores./Opinion.al

Pas