Kreu i PD, Sali Berisha në një takim të zhvilluar sot me fituesit e primareve, ka ndarë dhe porositë e tij për ta.
Teksa iu uroi sukses në garën e 14 Majit, Berisha tha se tashmë kandidatët e opozitës duhet të punojnë për Këshillat Bashkiakë dhe të nisin punën për programet, për secilën bashki.
“Unë edhe njëherë ju uroj sukses, ju së bashku me drejtuesit e PD-së, do të punoni tani për këshillat.
Përpiquni të përfshini në këshillat tonë, përfaqësuesit më të shquar, më emërmirë, më të aftë të komuniteteve.
Përpiquni që në parlamentin e bashkisë tuaj, të ndjehen të përfaqësuar të gjitha komunitetet, të gjitha zonat, në mënyrën më të mirë të mundshme.
Unë më shumë iu ftova t’u uroj për garën, dhe ju ftoj që me kaq angazhim dhe seriozitet të nisni punën për programet, për secilën bashki.
Të nisni punën për ndërtimin e fushatës elektorale të fitores në bashkitë tuaja”-tha Berisha.
