Oficeri dixhital informon:
-6,2 ton droge te sekuestruara ne Nivice, ishin te Artan Çeços dhe dy Dabulleve, djemve te Arta Dades, pra “Hakmarrjes per Drejtesi”. sb
Kështu ka shkruar sot ish-Kryeministri Berisha në statusin e tij në FB, teksa i referohet operacionit të policisë rreth 2 javë më parë Nivicë të Tepelenës. Berisha në fakt, citon mesazhin e një inspektori policie në drejtorinë e antidrogës, me inicialet A.P, i cili ka denoncuar këtë fakt, duke pohuar se “Ministri dhe Drejtori i Policisë Qato, kanë urdhëruar që emrat e pronarëve të drogës të mos bëhen publikë, pasi janë nga familje të njohura e me funksione të larta politike”. Berisha ka postuar në FB e tij të gjithë denoncimin e inspektorit të policisë, ku thuhet gjithashtu se Artan Ceco dhe dy vëllezërit Dabulla kanë qenë të përfshirë edhe në cështjen e kokainës së Xibrakës dhe ndaj tyre nuk është marrë asnjë masë, duke u mbrotjtur nga policia. Në fund të denoncimit të tij, postuar i plote ne FB e ish-Kryeministrit Berisha, inspektori i policisë shkruan: “Ju dergova kete informacion me deshiren time qe ju ta beni publike duke ruajtur anonimatin per arsye se kjo mund te me kushtoj edhe jeten,me shume respekt per ju,A.P”.
