Nga Durrësi, ku mori pjesë në 32-vjetorin e themelimit të degës së PD, kryedemokrati Sali Berisha pati akuza për qeverinë “Rama” dhe për diplomatë të huaj në vendin tonë.
Gjatë fjalës së tij, Berisha tha se diplomatë të korruptuar në vendin tonë tentuan shkatërrimin e PD.
“Kjo është përpjekje për të asgjësuar PD-në, por beteja me idealet është një betejë donkishoteske. U përpoqën me çdo gjë që ta asgjësonin. Sot jemi më të fortë se kurrë. Më të fuqishëm se kurrë, më të sigurt se kurrë në fitoren tonë. Kaluam një vit të pashembullt për një forcë politike. Nuk kishim para, nuk kishim pushtet. Nuk dispononim asgjë përveç idealeve tona. Ne jemi e para parti kundër të cilës korrupsioni ndërkombëtar përdoret për ta shtypur atë. Diplomatë të korruptuar, u vërsulën për të shkatërruar PD-në. Ja ku jemi, më krenarë se kurrë”,-tha Berisha./Opinion.al
