Te Fundit

Beogradi bleu raketa kundërajrore, ish-koloneli i FA:Nga kush trembet Serbia?


Bëhu pjesë e Grupit Zyrtar të Opinion.al
>> KËTU <<
               Publikuar në : 11:38 - 11/04/22 |
Opi Nion

Nga Dritan Demiraj

NGA KUSH TREMBET SERBIA?

Që nga fillimi i pushtimit të paprovokuar të Ukrainës nga Rusia dhe sidomos në momentin kur dy javët e fundit e gjithë bota po përjeton me optimizëm mposhtjen e ushtrisë ruse ne tre frontet, kemi patur gjithmonë e me pak reagime nga Beogradi zyrtar.

Është e sigurte se kjo humbje që në fakt ka befasuar shume ekspertë ndërkombëtarë, po përjetohet me shume ankth ne Serbi.

Humbja e ‘vëllait të madh’ ka bërë që shume lider “pacifiste” te Serbisë që nga presidenti Vuçiç, Ministri i Mbrojtjes Stefanoviç, Ministri i Brendshem Vulin dhe Daçiç te ulin tonet dhe kërcënimet sa i përket mbrojtjes se komuniteteve Serbe, që në fakt asnjëherë nuk janë kërcënuar nga askush në rajon.

Por kjo farsë, nuk ka ndaluar procesin e armatosjes se Serbisë. Këtë fundjave gjashtë avionë kinez të forcave ajrore transportuan mjetet e fundit moderne për mbrojtjen kundërajrore të blera në Kinë nga Serbia.

Rritja e kërcënimeve rajonale, armatosja e vazhdueshme, mungesa e distancimit dhe vendosjes se sanksioneve kundër Rusisë ne një kohe qe e gjithë bota po i zbaton ato, thirrja e vazhdueshme e SHBA dhe BE qe edhe Serbia ti zbatoje, kane rene ne vesh te shurdhër.

Prokurimi, dërgimi dhe se shpejti instalimi i raketave kundërajrore me rreze të mesme kineze HQ-22, blerja e mjeteve te tjera te sulmit, asistenca ushtarake dhe me inteligjence te vazhdueshme nga Rusia ndërkohë qe Serbia pretendon statusin e vendit neutral, përbëjnë një kërcënim serioz për Ballkanin Perëndimor, veçanërisht për Kosovën dhe Bosnje Hercegovinën.

Sistemi kundërajror HQ-22 është një sistem raketor modern prodhim i fundit, i cili ka nje rreze veprimi 50 m deri ne 27 km lartësi, rreze efektive deri ne 170 km dhe raketa me peshe 180 kg. Ky sistem është i njëjtë me sistemin KA rus S-300.

Që nga viti 2020 dhe ne vazhdim, zyrtarët e DASH-it e kane paralajmëruar Beogradin kundër blerjes së sistemeve anti-ajrore HQ-22, versioni i eksportit i të cilit njihet si FK-3, por edhe per blerje te tjera armatimesh ofensive.

Tashme është e qarte për te gjithë diplomatet perëndimore se Serbia nuk dëshiron t’i bashkohet Bashkimit Evropian dhe aleancave të tjera perëndimore, por ajo thjesht shfrytëzon ndihmat e tyre financiare pasi orientimi i tyre është krejtësisht anti euroatlantik.

Si përfundim, keto zhvillime duhet te shihen me përgjegjësi nga qeveritë tona sidomos ne Shqipëri dhe Kosove, ne mënyrë qe te vazhdoje me tej investimi ne infrastrukturën e sigurisë kombëtare dhe ne rritjen e kapaciteteve operacionale te forcave tona te armatosura.

Pas