Bota

BE dhe SHBA, miliona dollarë ndihmë emergjente për Bejrutin


Bëhu pjesë e Grupit Zyrtar të Opinion.al
>> KËTU <<
               Publikuar në : 14:40 - 07/08/20 |
el ida

Shtetet e Bashkuara kanë premtuar mbi 17 milionë dollarë ndihmë fillestare për Libanin, pas shpërthimit në portin e Bejrutit të martën,.

Ambasada e SHBA-së në Liban, tha në një deklaratë se ndihma përfshin ndihmë ushqimore, furnizime mjekësore dhe ndihmë financiare për Kryqin e Kuq të Libanit. Shumë vende të tjera, përfshirë Bashkimin Evropian (BE) kanë premtuar ndihma.

BE-ja njoftoi të enjten se ka ndarë 33 milionë euro për të financuar ndihmën emergjente fillestare për Libanin.

Në një letër drejtuar 27 vendeve anëtarëve të BE-së, Presidentja i Komisionit Evropian, Ursula von der Leyen dhe Charles Michel, President i Këshillit Evropian, iu bën thirrje vendeve anëtare “të kontribuojnë në rimëkëmbjen e Libanit”.

Shpërthimi në Bejrut ndodhi në portin e qytetit, në një depozitë nitrati amoni që mbante më shumë se 2500 tonë nga substanca e rrezikshme që përdoret edhe për bomba.

Sipas raportimeve, më shumë se 300 mijë persona kanë mbetur pa shtëpi dhe thuajse 50% e godinave në Bejrut kanë pësuar dëmtime pas shpërthimit tragjik.

Kostot ekonomike të kësaj tragjedie mendohet të arrijnë te 5 miliardë dollarë, duke çuar në prag të falimentimit Libanin, një shtet që ishte në vështirësi ekonomike edhe para tragjedisë, me protesta të shumta që po zhvilloheshin në të gjithë vendin./Opinion.al

Pas