A ju kujtohet kasti i serialit të famshëm amerikan “Baywatch”. Sigurisht që ju kujtohen, sepse ka qenë një nga prodhimet televizive më të ndjekura në Shqipëri, pas viteve ’90. Por çfarë bëjnë sot aktorët e mrekullueshëm të “Baywatch”, a vazhdojnë të jenë ata pjesë e showbiz-it… Këtë e mësojmë bashkë në vijim…
CJ- Pamela Anderson
Pamela Anderson mund të cilësohet me plotë gojën “sex bomb”, e këtij seriali. Biondja seksi e cila mbante emrin CJ, u komentua dhe ra në sy për format fantastike trupore. Kostumi trup i kuq i banjës, u kthye në modë dhe shumë vajza asokohe dëshiron ti ngjasonin Pamelës. Pammie pas “Baywatch” ka patur eksperienca të tjera televizive, kryesisht “reality” si dhe ka ndjekur shumë cështje bamirësie. Këto ditë ajo është shprehur se do ti tregojë djemve të saj, për filmimin e famshëm seksi me Tommy Lee, përpara se ata ta shohin vet në internet.. Eh kjo është Pamela Anderson.
MITCH BUCHANON – David Hasslehoff
David Hasslehoff ka qenë protagonisti kryesor i këtij seriali. Ai interpretoi në të nga viti 1989 deri në vitin 2003 dhe më pas u shkëput, sepse u trajtua në klinika për shkak se ishte i alkoolizuar. Pasi i kaloi të gjitha këto peripeci në vitin 2011 u shfaq në ekran si anëtar i jurisë së ” Britain’s Got Talent” dhe aktualisht është i fejuar me bukuroshen nga Uellsi, Hayley Roberts.
CAROLINE HOLDEN – Yasmine Bleeth
Një tjetër bukuroshe që do të binte në sy në këtë serial ishte edhe Yasmine Bleeth, e njohur me emrin Caroline. Brunja me sytë blu iu bashkua kastit të aktorëve në vitin 1994, por u përjashtua tre vite më vonë për shkak të lëndëve narkotike që iu gjetën në banesë. Në këtë periudhë ajo u njoh edhe me bashkëshortin e saj, Paul Cerrito dhe në vitin 2001 cifti u arrestua, për shkak të një aksideniti me makinë , por edhe për faktin se policia gjeti drogë në mjetin e tyre. Sot ajo është 46 vjec dhe merret kryesisht me bamirësi për cështjet e kancerit të gjirit, pasi nëna e saj humbi jetë pikërisht nga kjo sëmundje.
NEELY CAPSHAW – Gena Lee Nolin
Një tjetër bionde simpatike ishte edhe Genna Lee Nolin, e cila në rol mbante emrin e Neely. Ajo interpretoi për tre sezone radhazi në “Baywatsh”, duke hequr dorë prej tij në vitin 1999. Pas këtij seriali Genna ka pozuar edhe për revistën “Playboy”. Sot ajo është 43 vjec, nënë e tre fëmijëve dhe shpreson pse jo për një ribashkim të kastit, për të interpretuar edhe njëherë të gjithë bashkë.
CODY MADISON – David Chokachi
Jo të gjithë meshkujt kanë patur fatin të puthin Pamela Anderson ndërsa David Chokachi, ka e ka bërë rregullisht këtë gjë, për plot katër vjet. Përvecse një nga rojet bregdetare, ai ishte edhe i dashuri i CJ dhe shumë meshkuj patjetër që e kanë “xhelozuar” Cody-n atë periudhë. Në vitin 1997 aktori është cilësuar nga revista “People” si një nga 50 njerëzit më të bukur në botë dhe me shumë të drejtë. Jeta e tij ka qenë mes New York-ut dhe Malibusë, ndërsa aktualisht është duke rritur me shumë dashuri vajzën e tij katër vjecare, së bashku me bashkëshorten e tij, Susan.
STEPHANIE HOLDEN – Alexandra Paul
Të gjithë e mbajnë mend Stephanie-n e famshme, një roje bregdetare femër shumë e zonja dhe e guximshme. Për katër sezone radhazi ajo ka qenë e dashura e Mitch, protagonistit kryesor në serial. Aktualisht është 52 vjec dhe është një aktiviste e njohur për probleme sociale si, lufta në Irak, armët bërthamore, etj…
LOGAN FOWLER – Jasson Simmons
Në rolin e Logan Fowler-it, Jasson interpretoi për dy sezone dhe u shkëput në vitin 1997, sepse nuk pranonte të merrte urdhëra nga drejtuesit e serialit. Pas shkëputjes nga “Baywatch”, Simmons ka patur të tjera eksperienca televizive dhe më e njohura u bë, Sharknado. Aktualisht ai është 45 vjec dhe është fejuar me aktorin irlandez, John O’Callaghan. Cifti ka birësuar edhe një djalë të vogël që quhet, Odin.
