-Kulturë

Bashkia Tiranë një nga organizatoret e European Young Academy Awards këtë vit



Bëhu pjesë e Grupit Zyrtar të Opinion.al
>> KËTU <<
               Publikuar në : 21:24 - 10/09/22 |
Opi Nion

European Film Academy Awards, ose siç njihet ndryshe mes entuziastëve të kinemasë ‘Oskari Europian’ është një nga eventet më të mëdha, si nga përmasat, ashtu edhe për nga rëndësia në industrinë e kinemasë. Festivali erdhi si një gjetje e Ingmar Bergman më 1988, për të vazhduar realizimin e përvitshëm deri në ditët e sotme.

Si një organizim kolosal dhe me rëndësi të veçantë për prodhimet filmike, organizatorët e EFA kanë marrë një iniciativë tjetër prej 2012-tës: të përfshijnë të rinj nga vende të ndryshme të Europës në vlerësimin e filmave. Ky vit e ka gjetur Shqipërinë me një ftesë të veçantë nga organizatorët e festivalit, pikërisht në kuadër të Young Academy Awards.

Zyra e Filmit Tiranë, si pjesë e Agjencisë së Industrisë Kreative (pjesë e Bashkisë Tiranë),në bashkëpunim dhe me Qendrën Kombëtare të Kinematografisë, organizojnë tridhjetë të rinj shqiptarë, të grupmoshës 12-14 vjeç për të luajtur rolin e jurisë me të drejtën e votimit për dy filma dhe një dokumentar, selektuar paraprakisht nga EFA. Ky proçes votimi do të zhvillohet paralelisht në 42 vende të botës, për të përzgjedhur më pas kandidatin më të mirë për në ‘short list’-ën e festivalit. Projektet e përzgjedhura do të shfaqen fillimisht për të rinjtë në një periudhë prej tre ditësh, për t’u mbajtur më pas ceremonia e çmimeve më 13 Nëntor 2022 në Erfurt (Gjermani). Pjesa tjetër e pjesëmarrësve do të kenë mundësinë ta ndjekin eventin online nëpërmjet website-t zyrtar të YAA.

Young Academy Awards është gjithashtu pjesë e “European Film Club” (Klubi i Filmit Evropian), i cili shërben si një platformë dhe rrjet lidhës kinematografik për të rinjtë nga i gjithë kontinenti, që do të kenë akses të vazhdueshëm për të parë dhe për të diskutuar filma europianë në kinematë e reja që priten të hapen në qytet si ajo e “Agimit” dhe “Maks Velos” .

Pas